LAOAG CITY – Balligi ti inyuswat ti INPPO ken PDEA nga drug buy bust operation kontra ti maysa a lalaki idiay Brgy. 55-A, Barit ditopy ciudad ti Laoag.
Nabigbig daytoy a ni Jony Gagarin Acosta III, agtawen ti 40, naasawaan, driver, adda iti drug watchlist ken residente iti nasao a lugar.
Natiliw ti suspek idi inyawat na ti maysa a transparent plastic sachet a naglaon ti maipagarup a shabu iti nagpammarang a gumatang ti iligal a druga.
Nakumpiskar pay ti marked money nga 1,000 peso bill, maysa a leather card holder, driver’s license, ti inusar na a lugan, 8 a plastic sachet a naglaon ti maipagarup a shabu ken maysa nga empty sachet.
Nagtalinaed iti kustudiyar ti PNP-Laoag ti suspek ken nagkedked daytoy a nangited ti komento seknan ti pannakatiliw na.
