LAOAG CITY – Naipisuken iti Bureau of Jail Management and Penology ditoy ciudad ti Laoag ni Arwn Mina y Garvida, agtawen ti 41, awanan ti asawa, tubo iti Brgy 1 idiay ili ti Bangui ken agnanaed iti Brgy. 40, Buyon iti ili ti Bacarra.
Daytoy ket kalpasan ti pannakatiliw na babaen ti naiyuswat a drug buy bust operation iti paset ti Barangay 51-B, Nangalisan ditoy ciudad ti Laoag.
Naipilaan ti suspek ti kaso a panaglabsing iti Republic Act 9165 wenno Comprehensive Dangerous Drug Act of 2002 partikular ti Section 5 ken awan ti nairekomendar a pyansa na.
Naamoan nga iti panagsalungasng iti Section 11 iti Article II iti RA 9165 ket narekomendaran ti 200 a ribo a pisos a pyansa na.
Ti mandar a pannakaibalod ti suspek ket naggapo kenni Executive Judge Francisco Quilala iti RTC Branch 14 ditoy ciudad ti Laoag.
