LAOAG CITY – Natiliw ti maysa a lalaki babaen ti naiyuswat a search operation iti maysa a pagkaseraan iti Brgy. 50 Buttong ditoy siudad ti Laoag.
Nabigbig ti subject ti operasyon a ni Froilan Suniga, tubo iti ili ti Dumalneg ken agkasaksaera iti nasao a barangay.
Inbinsa-binsa ni Police Lt. Col. Rafael Lero, hepe ti PNP Laoag a narekobre ti maysa nga M16 rifle, dua a short magazine ken maysa a long magazine, 11 a bala para ti M16, ken 72 a bala ti kalibre 45 manipud iti nalabbaga a kahon.
Kuna na a maysa a negosyante ken adda ti insidente a maipagarup a nagpappaputok ni Suniga iti maysa a minatayan iti ili ti Dumalneg iti kallabes.
Inbatad ni Lero a daytoy paylaeng ti naamuan da a report kenni Suniga.
Immuna iti daytoy, saan a narigatan dagiti otoridad iti inyuswat da nga operasyon gapu ta mismo nga intudo ni Suniga ti ayan ti M16 a naipan iti balay ti gitara.
Saan met a nakapagsarita ni Suniga gapu ti nerbyus na kabayatan ti panagsukimat dagiti otoridad idi rabii.
Innayon ni Lero nga agtultuloy ti panagimbestgar da no ni Suniga a natiliw idi rabii ken ti agnagan ti Froilan Suniga a nadangran ti bise mayor iti ili ti Dumalneg ket maymaysa.
