LAOAG CITY – Nasugatan ti dua a saka ti maysa a lalaki kalpasan a napaltugan iti Barangay Bacsil-South ditoy ciudad ti Laoag.
Nabigbig daytoy a ni Jimboy Mateo, agtawen ti 22 ken residente met laeng ti nasao a barangay idinto a ti suspek ket ni Jerwin Dacut, agtawen ti 42 maysa a retirado a kameng ti Philippine Army.
Nagtalinaed pay laeng ni Mateo iti Governor Roque Ablan Senior Memorial Hospital ditoy ciudad ti Laoag.
Kabayatanna, natiliw metten dagiti kameng ti Philippine National Police ti suspek ken manamnama a mapilaan ti kaso kriminal.
