LAOAG CITY – Naipilan iti Ilocos Norte Provincial Prosecutor’s Office ti kaso A panagsalungasing ti Article 287 (Unjust Vexation) ken Article 177 ti Revised Penal Code (Usurpation of Authority) kontra iti maysa a balikabayan a nabigbig a ni Marino Alejandrino aka “Louie” taga California, USA ngem agin-indeg iti Brgy. 14 iti ili a Bacarra.
Daytoy ket kalpasan ti naiwayat a naun-uneg nga imbestigasyon seknan no siasinno ti nakita iti video a nai-upload iti social media a nangusar ti hood ti nakaparking a patrol car ti pulis ti nasao nga ili a nakaiparabawan ti mainum a nasanger ken maysa a lalaki ken mangibagbaga a maysa daytoy a pulis.
Namuan a ti nasao a patrol car ket manarimaan a matartarimaan iti shop ti agnagan ti Jun Lapradez iti Brgy. 1, iti nasao nga ili.
Segun ti PNP, iNbabain ti balikbayan ti kapulisan ti inaramid na gapu ta naruay dagiti nakabuya ket negatibo amin dagiti reaksiyon da.
Namuan nga adda pay dagiti kakadua ti suspek idi maaramid ti nasao a pasamak a nangpaneknek iti maipabpabaasol iti daytoy.
