LAOAG CITY – Inbatad ni Mrs. Janet Retamal iti Population Commission ditoy ciudad ti Laoag nga umabot iti 50 a kaso ti teenage pregnancy ditoy ciudad.
Segun kenni Retamal, dagiti nagsikog nga agtutubo ket manipud iti tawen a 14 agingga iti 18.
Kunana a sumagmamano kadagiti rason iti kaadda ti kaso ti teenage pregnancy ket ti kinakurang ti parental guidance rason a sabali ti ugali dagiti dadduma, exposed da kadagiti nagduduma a social activities no sadinno malipatan da dagiti balakad dagiti nagannak kadakuada; mabalin nga impluwensya dagiti barkada, ken kurang ti sexuality awareness da.
Nupay kasta, inlawlawag na a basar iti rekord ket nababa daytoy no ikumpara kadagiti naglablabas a tawen.
Mainaig iti daytoy, kunana nga adda ti Social Protection Program nga iyus-uswat da para kadagiti adolescent mothers ken dagiti annak da ken tapno matulungan dagitoy pakairamanan dagiti partners da ken dagiti nagannak kadakuada babaen iti pannakaipaay ti financial assistance.
Malaksid iti daytoy, adda pay ti Comprehensive Sexuality Education kadua da ti Dept. of Education.
