LAOAG CITY – Nagpalagip ni Police Major Paul Benedict Parado, hepe ti PNP San Nicolas dagiti driver iti pagbalin da a nadisiplina nga agmaneho kdagiti lugan da.
Daytoy ket pakaseknan iti pannakasurot kuma dagiti maipatpatungpal a linteg trapiko iti nasao nga ili.
Inbatad na saan a nagkurang ti PNP iti panangpalagip kadagiti motorista mainaig kadagiti saan a mabalin a pagparkingan.
Nupay kasta, agtultuloy ti panagpatrolya ti PNP ken panangtiliw kadagiti agsalungasing iti paglintegan.
