LAOAG CITY – Ur-urayen ti lokal a gobierno ti Laoag no aprobaran ti Department of Health ti kalikagom ti konseho a pannakaestablisar ti Super Health Center ditoy ciudad.
Segun kenni Mayor James Bryan Alcid, no saan a maaprubaran daytoy ket saan met nga agbalin a problema gapo ta adda tallo a Rural Health Unit ken Laoag City General Hospital a mangipaay ti pagkasapulan dagiti residente iti benneg ti salun-at.
Inpakammo ti Mayor a kabayatan nga maiyur-uray ti desisyon iti kiddaw ket plano da nayunan ti agas a magatang kadagiti Rural Health Unit ken mapagbalin a times three.
Inlawlawag na a dagiti agas a maipaay iti kada Rural Health Unit ket basar iti kaado ti populasyon.
Kunana pay a daytoy ket manamnama a maipatungpal iti sumaruno a tawen.
Innayon na a daytoy nga adda ke aramiden ti lokal a gobierno kas panagsagsagana no maapprbaran ti Super Health Center.
