LAOAG CITY – Napadayawan ni Lea Salonga iti prestihioso a 2024 CCP Award para sa Sining kas panangbigbig iti dakkel a kontribusionna iti industria ti sining ken paglinglingayan, saan laeng nga iti pagilian no di ket iti sangalubongan.
Ti nadakamat pammadayaw manipud iti Cultural Center of the Philippines (CCP) ket maysa kadagiti kangatuan a pammigbig dagiti artista a Filipino.
Iti panagbitlana, inpaganetget ni Lea ti panagyamanna iti Cultural Center of the Philippines no sadinno ditoy na a rinungian ti karerana.
Inpakaammona dagiti sumagmamano nakipagpasetanna a naipabuya iti Cultural Center of the Philippines, a kas ti “The King and I,” “Annie,” ken “Miss Saigon,”.
Kabayatanna, pagaammo ni Lea Salonga gapu iti naisangsangayan a talentona iti teatro, pelikula, ken musika, nga agtultuloy a mangpalpalagip iti adu a Filipino ken artista iti intero a lubong.
