LAOAG CITY – Nagballigi dagiti kameng ti Criminal Investigation and Detection Group (CIDG) ditoy probinsya a nangtiliw iti maysa a karpintero iti Barangay Dadaor iti ili ti Bangui.
Daytoy ti inpakaammo ni Police Lt. Wrylo Gatoc, ti deputy chief iti CIDG ditoy probinsya.
Binigbig ni Gatoc ti akusado a ni Simbad Sallutal Gagalioan, agtawen ti 41, addaan ti live-in partner ken residente iti nadakamat a lugar.
Segun kenni Gatoc, naarestar ti akusado babaen ti bileg ti warrant of arrest nga inparuk-at ni Judge Felix Gabriel Salvador iti RTC Branch-19 ti ili ti Bangui gapu iti kaso na a panagsalungasing ti Republic Act (RA) 9165 wenno Comprehensive dangerous drugs act of 2002.
Inbaga ni Gatoc a natiliw ti akusado idi 2015 gapu iti panagikot na ti maipawil a droga no sadinno a daytoy ti maitudtudo a lider iti drug group a Gagalion Group nga agop-operar iti ili ti Bangui.
Nagtalinaed ti akusado iti kustodyar ti PNP-CIDG ken maisubli iti korte a naggapoan ti warrant of arrest.
