LAOAG CITY – Naminsan manen a naglaban ti agkaribal nga NBA superstar nga isuda Lebron James ken Stephen Curry iti ay-ayam ti Los Angeles Lakers kontra iti Golden State Warriors.
Iti naudi a laban ti dua idi Disiembre 25, 2024 ket kimmamada ni Curry ti 38 points idinto a nakaaramid met ni Lebron ti 31pts, 10 assists double-double ken inbulsa ti Lakers ti 2-point win.
Iti panagbinnalubal ti dua a koponan, simmubbot ti Golden State ken nagun-od ti 7-point win kontra iti karibal a Lakers.
Naminsan manen nga indauloan ti dua a superstar ti team-da no sadinno a kimmamada ni Lebron ti 33 points ken siam nga assists idinto a 37 points ken innem nga asissts ti sungbat ni Steph.
