LAOAG CITY – Natay ti maysa a lesbian kalpasan a nagbekkel iti maysa nga abong-abong iti paraangan ti pagtaengan da iti Brgy. 16 iti ili ti San Nicolas.
Daytoy ti kinumpirmaran ni Barangay Chairman Federico Simpliciano, agtawen ti 28 ti biktima ken maipagarup a napaay iti ayat a nangitunda ti panagpakamatay na.
Kuna na nga inusar ti saanen a nainaganan a biktima iti maysa a waya ken inbitin na ti bagbagi na iti nasao nga abong-abong iti paraangan ti pagtaengan da.
Idi nakita da ti biktima, timmawag ti kapitan kadagiti kameng ti PNP ngem sakbay a makadanun dagiti otoridad ket naitarayen ti biktima iti maysa a pribado nga ospital ngem naideklara a dead on arrival.
