LAOAG CITY – Inawis ni Vice Governor Angelo Marcos Barba ti publiko a mapan agbuya ti LGBT Beach Volleyball Tournament a mangrugi ita nga aldaw agingga intono Abril 9 ita a tawen iti Playa Tropical iti Currimao, Ilocos Norte kas paset ti aktibidad iti Palarong Dalampasigan 2018.
Inbatad ti bise gobernador a ti nasao nga aktibidad ket maited para kadagiti agtutubo ken ti LGBT community tapno ad-adda pay a mapadu-as ti talento da para ti nasao nga sports competition.
Kuna pay ni Barba, bigbigen na ti talento dagiti agtutubo ken LGBT isut gapu na a kalikagom na a mangngeg ti pagtaktakderan da seknan ti possible nga agbalin a kontribusyon da tapno ad-adda pay nga agbalin a nalatak ti probinsya iti positibo nga aspeto.
Naamoan a kadwa ni Vice Governor Barba a mapan agatendar ti nasao nga aktibidad ti anak na a ni Vic Barba, miembro ti LGBT ken maysa a nalatak a fashion designer.
