LAOAG CITY – Sagsaganaanen ti LGU Badoc partikular ti Tourism Office ti selebrasyon ti panagkasangay ti banuar ken natan’ok nga ilocano a ni Juan Luna intono Oktubre 24, 2018.
Segun kenni Mr. Jade Cezar Raquel, tourism officer ti nasao nga ili, kalpasan iti selebrasyon ti panagkasangay ni Juan Luna ket sumaruno ti kasangay ti kabsat na a ni General Antonio Luna.
Kuna na a sakbay dagiti nadakamat nga selebrasyon ket adda ti maisayangkat nga painting kompetisyon a pakisalipan dagiti estudyante iti sekondarya ken elementarya.
Maiwayat pay ti Civic Parade iti kaaldawan ti selebrasyon ni Juan Luna ken atendaran dagiti nagduduma nga grupo ken estudyante manipud iti pagadalan.
Innayon ni Raquel a naiget a seguridad ti plano a maipatungpal isu nga aw-awisen da dagiti rider club ken dadduma a grupo a mabalin a tumulong ken agserbi nga force multiplier bayat ti nasao nga aktibidad.
