LAOAG CITY – Kalikagom ti gobierno lokal ditoy ciudad ti Laoag nga iprayoridad iti panakapartuat iti nagduduma a proyekto a makatulong tapno mapagtalinaed a nasayaat ti mental health dagiti estudyante ditoy ciudad.
Daytoy ti inbatad ni Mayor James Bryan Alcid gapu kadagiti mairekrekord a kaso ti suicide ditoy ciudad ti Laoag.
Mainaig iti daytoy, inpasingked ni Alcid a nakasagana ti administrasyon na a mangsuporta iti aniaman a programa ti Department of Education mainaig iti nasao nga addang.
Maipalagip nga immunan nga inrakurak ni Mayor Alcid a malaksid iti sports ket suportado da pay ti dadduma a pakisalsalipan ti Department of Education.
