LAOAG CITY – Manarimaan ti panagplano ti gobierno lokal ditoy ciudad ti Laoag mainaig kadagiti maiyimplementar nga infrastracture project ditoy ciudad kas panagsagsagana ti ASEAN SUMMIT 2026
Daytoy ti inpakaamo ni Mayor James Bryan Alcid ditoy ciudad ti Laoag.
Inbatad na a ditoy ciudad ti Laoag ti maysa kadagiti lugar iti Pilipinas nga agbalin a venue ti nasao nga international event isut gapuna nga iyalisto da ti pannakaiyimplementar dagiti proyekto agsipud ta iti agdama ket awan pay ti nagbaliwan ditoy ciudad a mabalin nga i-showcase kadagiti bisita.
Innayon na a manarimaan payen ti pannakikoordinar da iti simbaan katolika tapno mapagbalin a temporaryo a pagparkingan iti sangona.
Inlawlawag na a daytoy ket long term plan gapu ta malaksid iti ASEAN ket para pay kadagiti sumarsaruno a naindaklan nga aktibidad ditoy probinsiya.
Kuna ti mayor a daytoy ti pagsarsaritaan da iti kallabes ken ni Vice Governor Matthew Marcos-Manotoc a nakaibagaan ti naud-udi a maibilang isuna kas maysa nga analytical thinker.
Inrakurak na a kasapulan a desisyonan na a nasayaat dagiti banag sakbay nga ipatungpal babaen iti panangtingiting na kadagitoy a naimbag.
Inpetteng na a saan amin a mapanunot na nga aramiden ket ipatungpal na a dagus no di ket masapol nga ikonsiderar na amin.
Inpakaammo na pay nga ado dagiti kayat na nga iyimplementar ngem nakurang ti pondo ti gobierno lokal ditoy ciudad isut gapuna nga umas-asideg kenni Vice Governor Manotoc tapno agkiddaw ti tulong.
