LAOAG CITY – Manarimaanen ti panagsagsagana ti gobierno lokal ditoy ciudad ti Laoag para iti pannakaisayangkat ti Pamulinawen Festival intono Pebrero ita a tawen.
Inpakaammo ni Mayor James Bryan Alcid a nagtataripnong da metten kadagiti nagduduma nga opisina ditoy ciudad ti Laoag, aglalo iti City Tourism Office maipanggep kadagiti aktibidad a maisayangkat iti Pamulinawen Festival.
Inadmitir ti mayor a naladaw ti panangrugi da nga agsagana para iti Pamulinawen Festival no sadinno nga idi koma paylaeng Disyembre 2025, ngem saanda a naaramid gapu ta ado dagiti nakakumikuman da.
Ti Pamulinawen Festival ket maselebraran iti sibubukel a bolan ti pebrero.
Inpakaammo ti mayor a karaman kadagiti kangrunaan maitampok iti Pamulinawen Festival ket ti dance parade, pageants a saan laeng a Mr. and Ms Laoag no di ket adda pay ti baro a kategorya nga ipakaammo da iti publiko apaman a maipinal da.
