LAOAG CITY – Nagun-od ti lokal a gobierno ditoy siudad ti Laoag ti maikadua a puesto kadagupan kadagiti amin a components cities iti rehion uno iti over all most competitiveness kabayatan ti 2024 Cities and Municipalities Competitiveness survey.
Daytoy a pammigbig ket babaen iti Department of Trade and Industry kabayatan ti Fiesta Haraya Rimat a naiyuswat iti siudad ti Candon, Ilocos Sur.
Malaksid iti daytoy, nagun-od pay ti siudad ti maikatlo a puesto kadagupan kadagiti amin a components cities iti rehion uno iti pannakaipatungpal dagiti nagduduma a proyekto imprastraktura.
Inlawlawagna a kagagupan kadagiti 116 a siudad iti intero a Pilipinas ket nagun-od ditoy siudad ti Laoag ti Top 35 wenno nangatngato nga amang idi napalabas a tawen a Top 45.
Mainaig iti daytoy, segun ken ni Ms. Ruby Ann Bunalade, City Planning and Development Coordinator nga ipaneknek iti nasao a pammigbig ti panangsurot iti siudad ti naurnos a pannakaipatungpal ti lokal a gobierno, ekonomia , imprastraktura ken nagduduma nga inobasion para iti pagsaayatan dagiti umili.
Kabayatanna, napadayan ditoy siudad ti Laoag ti Regional Level kas maysa a business friendly ken katatalnaan a siudad iti interio a rehion uno.
