LAOAG CITY – Gimmatang ti nayon a Closed-circuit television (CCTV) ti local a gobierno iti ili ti San Nicolas.
Segun kenni Mayor Edmar Vincent Bonoan, dakkel a tulong dagiti Closed-circuit television tapnu mapagtalinaed ti natalna nga aglawlaw ken alisto a pannakabigbig ken pannakatiliw kadagiti agsalungasing ti linteg.
Kunana a manamnama a nayunan danto pay daytoy tapno maikkan amin dagiti strategic areas iti nasao nga ili.
Innayon na a mairaman ti pondo nga usaren da iti 2026 annual budget.
Maipalagip a nagsasaruno dagiti insidente iti ili San Nicolas, ken daytoy nga addang ti lokal a gobierno ket maysa a wagas tapno ad-adda pay a maipasigurado ti linak, urnus ken talna iti aglawlaw.
