LAOAG CITY – Naminsan manen a nagun-od ti lokal a gobierno iti ili ti San Nicolas ti titulo kas Champion iti Search for Cleanest and Greenest Municipality, Barangay and School iti Local Government Unit category.
Inawat ti lokal a gobierno ti nasao a pammadayaw babaen iti Local Chief Executive and staff ken ti Municipal Environment and Natural Resources Office nga idadaulon ni Mrs. Marilyn Tolentino.
Naiyuswat ti programa iti Provincial Auditorium nga indauloan ti gobernador ken ti Environment and Natural Resources Office.
Maipalagip a daytoyen ti maikadua a gundaway a magun-od ti lokal a gobierno iti ili ti San Nicolas ti nasao a pammadayaw no sadinno nga iti umuna a pammadayaw ket naalada iti napalabas a tawen.
Naammoan a ti maysa kadagiti nagbalin a criteria ket no asino ti kapipintasan ti pannakaipatungpal ti Solid Waste Management Act iti uneg ti ili, barangay ken ti pagadalan.
