LAOAG CITY – Nabigbig ti lokal a gobierno iti ili ti San Nicolas kas outstanding environmental partner ti Department of Environment and Natural Resources iti nasayaat a pannakaimplementar ti ecological solid waste management .
Daytoy ket gapu iti dedikasyon nga ipakpakita ti lokal a gobierno iti nasao nga ili iti panangsurot kadagiti probisyon ti Republic act 9003 kas ti panangprotehir ti aglawlaw ken ti pannakaimanihir a nasayaat dagiti basura.
Mainaig daytoy, inrepresentar ni Mrs. Marilyn Tolentino, Designated Administrator ni Mayor Ed Mar Vincent Bonoan kadwana dagiti staff na.
Segun iti lokal a gobierno iti ili ti San Nicolas, daytoy ti mangipakita a napintas ti ar-aramiden da nga addang iti panangprotehir ti aglawlaw, ken pannakikammayet dagiti nagduduma a sektor ken barangay.
Maipalagip a ti ili ti San Nicolas ket tinnawen a mapadpadayawan mainaig iti napintas nga implementasyon ti Republic act 9003 wennu ti ecological solid management act of 2002.