LAOAG CITY – Personal a binisita dagiti pannakabagi ti gobierno probinsial iti maar-aramid a pannakaipasdek ti Laoag International Airport.
Indaulaoan da Provincial Engr. Luciano Domingo Jr. ken Laoag International Airport General Manager Ronald Estabillo ken dadduma pay.
Inlawlawag ti gobierno probinsial nga iti maar-aramid nga expansion iti Laoag International Airport ket kas panagsagsagana pay laeng iti kaaddanton ti direct flights iti Honolulu-Laoag flights vice versa a masirsirmata a maisubli inton 2025.
Inpakaammo ti gobierno probinsial a kasapulan a malpas ti expansion project iti Laoag International Airport iti naikeddeng a panawen tapno ad-adu pay dagiti maakomodar a dadakkel nga eroplano nga agturong iti Laoag International Airport.
Naammoan nga immuna a naaramid ti aspalt overlay iti runway expansion project iti nasao nga eropuerto sakbay dagiti dadduma a paset ti proyekto.
