LAOAG CITY – Naipaay ti libre a nagduduma a serbisio kadagiti kliente a babbai kagiddan iti pannakaselebrar ti International Women’s Month.
Daytoy ket babaen iti 1st District Congressional Office nga idadauluan ni Rep. Sandro Marcos.
Naipaay ti libre a pukis, manicure, pedicure, facial, massage, blood pressure ken sugar testing babaen kadagiti scholars ti Technical Education and Skills Development Authority wenno TESDA.
Kabayatanna, ginundawayan ti naruay a kliente ti nasao a serbisio ken adu dagiti maragsakan gapu ta iti baet dagiti mapaspasaran a krisis ket adda dagiti libre a serbisio para iti publiko.
