LAOAG CITY – Ad-adalen ti Department of Health (DOH) ti probision ti free pay wards wenno shared rooms iti Department of Health-run hospitals para kadagiti direct contributors ti PhilHealth.
Ti inisyatiba ket maiyallubog iti pammilin ni Presidente Ferdinand Marcos Jr., a siguradoen a makaawat dagiti Filipino ti “best possible healthcare services.”
Inbatad ni Presidential Communications Office (PCO) Undersecretary ken Palace Press Officer Claire Castro, kas sungbat iti gagem ni Presidente Marcos nga awan ti Pilipino a marigatan kadagiti ospital isut gapuna nga ad-adalenen ti ahensia iti panangidaulo ni Secretary Ted Herbosa ti pannakaiparuk-at ti department memorandum circular.
