LAOAG CITY – Inpakaammo ni Ms. Shey Pia Abaya, ti Officer in Charge iti Public Employment Service Office ditoy ciudad ti Laoag nga adda ti maangay a libre nga orientation kadagiti adda ti plano na a mapan agtrabaho idiay Japan.
Segun kenni Abaya, agturong dagiti pannakabagi ti Daiwa Japanese Language Training Center ditoy ciudad tapno mangiyuswat iti orientation ken training kadagiti umili nga agkalikagom a mapan agtrabaho idiay Japan .
Kunana a dagiti kayatna ti makipartisipar ket agturong da laeng iti City Auditorium intono Mayo 8 iti oras iti alas-10 ti bigat agingga iti alas-12 ti aldaw.
Inbatad na a dakkel a tulong daytoy tapno ad-adda a makasursuro dagiti umili iti lenguahe ken maawatan iti pagsasao iti pagilian a Japan.
Kabayatanna, gutgutiguten ni Abaya dagiti umili nga i-follow ti page iti Peso Laoag para iti ad-ado pay nga impormasion kadagiti mabalin a pagtrabahoan wenno job vacancies.
