LAOAG CITY – Natay ti maysa a lalaki kalpasan a nakuryente iti ili ti Dumalneg.

Ti biktima ket maysa nga electrical wiring laborer, agtawen ti 42 ken residente ti ili ti Dumalneg.

Basar iti Dumalneg Municipal Police Station, pasado alas-tres ti malem idi maawat da ti report mainaig iti pannakakuryente ti maysa a lalaki, ngem naitarayen iti ospital ti biktima idi nakadanun da iti lugar.

Basar iti inisial nga imbestigasion, kabayatan ti  panagtrabaho ti biktima ket inuli na ti pader nga ayan ti live wire.

Nupay kasta, apaman a nakadanon iti ngato ti biktima ket napukawan ti balanse isut gapuna a naiggaman na ti live wire a nangitunda ti pannakakuryente na.