LAOAG CITY – Ballaigi a naisayangkat ti libreng tuli iti ili ti Badoc babaen ti Pugad Lawin Ilocos Norte Chapter.
Inbatad ni Engr. Neil Jose, nga adda ti 93 a nagbalin a benepisiario no sadinno a kaadoan ket ubbing ket adda sumagmamano a natataengan.
Kinunana a no man pay nag-brown out ket saan a nanglapped daytoy ti pannakaisayangkat ti aktibidad.
Kabayatanna, nagyaman met ni Engr. Jose ti Ilocos Norte Medical Society, lokal a gobierno ti Badoc, Rural Health Unit ti nasao nga ili, Mariano Marcos State University-College of Health Sciences, ken karaman payen ti Bombo Radyo Laoag para iti naballaigi a pannakaiyuswat ti programa.
