LAOAG CITY – Inpakammo ni Pol Lt. Col. Joseph Baltazar, ti chief of police ti Philippine National Police ditoy ciudad ti Laoag nga adda ti maiyuswat a License to Own and Posses Firearm (LTOPF) Caravan intono Agosto 10 agingga iti Agosto 11 ita a tawen Laoag City Hall.
Segun kenni Baltazar, mabalin nga agturong iti Laoag City Hall ti kaaldawan ti License to Own and Posses Firearm caravan dagiti aplikante, no sadinno mangitugot da laeng ti dua a kopya ti notarized application.
Malaksid iti daytoy, kasapulan pay ti dati a License To Own And Possess Firearms (LTOPF), Drug test clearance ken NBI Clearance, ken dumalan da ti Neuro-Psychiatric Clearance.
Inbatad na a kasapulan pay ti National Police Clearance or Municipal/City Police Clearance ken dua a valid IDs, kasta met ti passport-size a ladawan.
Mainaig iti daytoy, nagyaman ni Baltazar kenni Mayor Michael Marcos Keon iti tulong nga ipapaay ti kapulisan nangruna ti maiyuswat nga License to Own and Posses Firearm Caravan.
