LAOAG CITY – Nagpakdaar ti Office of the Civil Defense – Negros Island Region wenno OCD-NIR iti posible a panagayus ti lahar manipud iti Bulkan Kanlaon, kasaruno iti nairekord a moderately explosive eruption idi Sabado, Oktubre 11.
Kinumpirmaran ni OCD-NIR Director Donato Sermeno III a dakkel ti posibilidad ti lahar flow no maadaan ti panagtudo kalpasan iti panagbettak ti bulkan, isu nga ad-adda pinaigetda ti panangisayangkat ti monitoring iti lugar.
Nupay kasta, inlawlawag ti opisial a no man pay naaddaan ti panagtudo ken paulit-ulit a panagpugso ti dapu, awan pay ti nairekord a mud wenno lahar flow iti Binalbagan River ken iti Ibid Creek a makita iti siudad ti La Castellana.
Kabayatanna, nakapasar met ti light ashfall ti sumagmamano a probinsia ti Negros Occidental, pakairamanan ti siudad ti Don Salvador Benedicto, dagiti upper barangay ti La Castellana ken dagiti siudad ti La Carlota ken Bago City.
Tapno masigurado ti kinatalged dagiti residente, naikeddeng nga ag-inspeksion ti Office of the Civil Defense – Negros Island Region (OCD-NIR) usar ti aerial drone survey kadagiti waterways iti aglawlaw ti bulkan tapno tingitingen no adda nakalapped a debris ken maliklikan ti panagbukel ti artificial dam a mabalin a mangitunda ti nakadadael a flash flood kas ti napasamak iti Nepal.
