LAOAG CITY – Naibilin ti panangliklik iti panaglako ken panagiserrek ditoy probinsya kadagiti soimai gapo iti pangta ti African Swine Fever.
Segun kenni Dr. Loida Valenzuela, provincial veterinarian, adda dagiti report a dimmanun kadakuada nga adda dagiti agiserserrek kadagiti nasao a produkto babaen iti pribado a lugan.
Kuna na a naibaga na daytoyen kenni Gov. Matthew Marcos Manotoc iti kallabes.
Inbatad ni Valenzuela a posible a saan a natay ti virus babaen ti saan a pannakaluto a naimbag dagiti produkto nangruna no addaan ti virus iti karne ti baboy a naiprosesso.
Innayon na nga agserbi a ballaag daytoy kadagiti aglaklako tapno mapagtalinaed ti Ilocos Norte nga ASF free.
Mainaig iti daytoy ti Ilocos Norte ket maysa kadagiti ASF free ti probinsya karaman ti Apayao ken iti Batanes.
