LAOAG CITY – Awan met ti nadangran iti pannakauram ti likod a paset ti maysa a bus bayat ti panagbyahe na iti Barangay Baay iti ciudad ti Batac.
Segun kenni Mr. Mariano Cajag, ti bus driver, idi agovertake kuma ket nakita na iti side mirror a naasok ti likod a paset ti bus.
Gapo iti daytoy, kuna na nga a dagus na nga inpaigid ti bus ken idi napan na kinita ket agap-apoyen daytoy rason a dagus da a pinababa dagiti walo a pasaheros.
Inbatad na babaen iti fire extinguisher ket nasebseban da met laeng ti apoy.
Patien ni Cajag a ti puon daytoy ket posible a problema iti wirings.
Naamoan a dagus met a nagresponde dagiti kameng ti BFP-San Nicolas.
