LAOAG CITY – Manamnama ti pannakaibiahe dagiti lima a balud wenno Persons Deprived of Liberty ti Ilocos Norte Provincial Jail para iti pannakaikabilda idiay New Bilibid Prison.
Daytoy ti inpakaammo ni Jail Warden Editor Guiang, Provincial Warden ti Ilocos Norte Provincial Jail.
Segun kenkuana, dagiti nasao a balud ket sumangsango dagitoy ti kaso a murder, rape ken carnapping.
Inlawlawag ni Guiang nga awan ti problema iti pannakaibiahe dagiti nasao a balud gapu ta naiget ti suporta nga ipapaay ti gobierno probinsial kangrunaanna ti gastosenda iti pannakaibiahe.
Innayonna nga apaman a makumpletoda dagiti dukomento ket maibiahe nga insigida dagiti lima a balud.
