LAOAG CITY – Kinumpirmaran ni Police Captain Joseph Tayaban ti Chief of Police ti PNP Badoc nga adda manen ti lima a taga ditoy probinsya a naistranded iti South Border Control iti ili ti Badoc.
Segun ken ni Tayaban, dagiti naistranded ket isuda Ms. Evelyn C. Tejada, OFW manipod idiay Hongkong ken residente iti Brgy. Lumbad iti ili ti Dingras; Ms. Richell M. Paleracio, OFW manipod idiay Hongkong, residente ti Brgy. Balaoi iti ili ti Pagudpud; Aira Jemelle C. Aguillar, residente ti Brgy 13 iti ili ti San Nicolas, Northwestern University manipod idiay USA; Viven P. Valenzuela II, residente ti Brgy 56-A Bacsil North ditoy Siudad ti Laoag, Northwestern University HRM Intern manipod idiay USA ken ni Mr. Ven Nicanor P. Valenzuela, residente ti Brgy 56A Bacsil North, ditoy Siudad ti Laoag.
Kabayatanna, inpakaammo ni Tayaban a ni Mr. Resty Gudoy a taga Dingras, maysa nga Overseas Filipino Worker idiay Qatar ket nakastreken ditoy probinsia kalpasan a pinalubusan ni Gob. Matthew Marcos Manotoc.
Iti agdama, dagiti lima ket adda da iti Tourism Center iti nasao nga ili a temporaryo a pagyananda agingga a saan a malpas ti maipatpatungpal nga Enhanced Community Quarantine gapu iti covid-19.
UDPATE: Maibilang a person of interest ti napasamak a pammaltog, nasada iti checkpoint iti ili ti Badoc
