LAOAG CITY – Natiliw dagiti lima nga indibidual a naglugan iti cargo truck gapo iti panangpeke da iti pirma iti inpresentar da a dokumento iti border da iti ili ti Pinili.
Basar iti impormasyon, ti nasao a cargo truck ket naggapo idiay San Jose, Nueva Ecija.
Inbatad ti PNP-Pinili a dagiti lima nga indibidual ket nangipresentar ti travel order ngem napeke ti pirma ti chief of police iti naggapoan da a lugar.
Gapo iti daytoy, inberipikar ti PNP-Pinili ken naduktalan a dagiti nagan nga adda iti travel order ket awan iti rekord da iti San Jose rason a napilaan dagitoy ti kaso.
Mainaig iti daytoy ket nagballaag met ti PNP-Pinili kadagiti cargo truck a sumurot iti pagalagadan.
