LAOAG CITY – Balligi a natiliw dagiti lima nga indibidual gapo iti panagsusugal na iti maysa a minatayan iti ili ti Pagudpud.
Segun kenni Police Major Joemar Andres, ti chief of police iti Philippine National Police iti ili ti Pagudpud, dagiti natiliw ket agtawen ti 35, naasawaan ken residente iti Barangay Tarrag; agtawen ti 36, agtawen ti 26 ken agtawen ti 45, agpapada a construction worker ken ti agtawen ti 32, maysa a mannalon ken residente dagitoy iti Barangay Aggasi iti nasao met laeng nga ili.
Inbatad na nga idi rabii ket nakawat da ti report nga adda ti agsusugal iti minatayan iti Barangay Aggasi ken iti panagresponde da ket naaktoan da nga agay-ayam dagiti maseknan iti Lucky-9.
Nakumpiskar dagiti otoridad ti pusta a 5,276 a pisos, lamisaan, innem a mono block chair ken ti baraha.
Iti agdama ket maigsagsaganan ti maipila a kaso a panaglabsing iti PD 1602 kontra kadagiti lima nga indibidual.
