LAOAG CITY – Natiliw ti lima nga indibidual gapu iti panagay-ayam da iti illegal a sugal iti Brgy. 13 San Pedro iti ili ti Sarrat.
Nabigbig dagitoy nga agtawen ti 34, 46, 49, 30 ken 40 no sadinno a dua kadakuada ket residente iti Barangay Sagpatan iti ili ti Dingras ken ti tallo ket residente iti Brgy. 13 San Pedro iti ili ti Sarrat.
Segun ken ni P/Cpt. Kester Arellano, hepe ti Phillipine National Police iti ili ti Sarrat, natakuatan dagiti suspek apaman nga agay-ayam da ti Lucky 9 iti maysa a minatayan iti nasao a barangay.
Nukumpiskar manipud kadagitoy ti gatad a 3,352 a pisos, ken ti maysa a set ti braha.
Dimalan met dagiti nasao a maseknan iti medical treatment iti Dingras District Hospital, sakbay a naipaima iti biang ti Philippine National Police iti ili ti Sarrat.
Kabayatanna, sumangsango dgiti masekanan iti Presidential Decree No. 1602 wenno ti illegal a panagsusugal.
