LAOAG CITY –
Maladingitan ti Bise Presidente iti Baccara Zanjera Association a ni Mr. Larry Queja nga agdagup iti 50 nga ekteria a pagay ti lugi da ita a crop season gapo iti nakaro a kinatikag.
Segun kenkuana, saanda nga ekspektaren daytoy gapu ta saan met a kastoy ti karuay ti napasaran da iti napalpalabas a tawen.
Impakaamo na a kasapulan da a padanoman digiti pagay da ngem gapu ta saan a dumanon ti danom iti Barangay Teppang iti ili ti Bacarra ket marigatan da a mapatanor dagiti mula da a pagay.
Kunana a banbantayan da pay ti irrigasyon da tapno mamonitor da no adda danom nga agturong iti downstream.
Innayonna nga agarop 12 a gunglo wenno zanjera ti agdama a maap-apektaren gapu iti El Niño Phenomenon.
Inpakaammo pay ni Mr. Queja nga adda inpaay ti gobierno probinsyal a tulong kas iti crop insurances.
Kasta pay a nangipaayen ti National Irrigation Administration ti aggatad ti 100 a litro a krudo a nausar da iti dua nga aldaw laeng a panagpadanom kadagiti raep da.
Mainaig iti daytoy ket idawdawat ti gunglo da Mr. Queja a maipaayan da ti naananay ken sapasap a tulong partikular iti downstream a mangrugi iti Barangay Nambaran agingga iti Baranggay Teppang iti nadakamat nga ili.
