LAOAG CITY – Natay ti maysa a lineman iti Ilocos Norte Electric Cooperative (INEC) idinto a natukkol iti akin-kannigid a paset ti ima ken saka ti kadwa na iti napasamak a pammaltog idiay Barangay Apatot, Pinili, Ilocos Norte.
Nabigbig ti natay a ni Arcenio Cajigal, addaan iti umno a tawen, lineman iti INEC taga Barangay Alogoog iti ili a Badoc idinto a ti nakalasat a kadwa na ket ni Alex Baldogo, residente iti ili a Pinili.
Segun ken ni Engr. Edwin Corpuz, mapan koma agresponde da Cajigal ken ni Baldugo kadagiti reklamo dagiti residente idi mapaltugan ti biktima a nakatamaan iti akin-kannigid a bakrang ket teltel na.
Gapu ti pannakapaltog ni Cajigal a nangiturong iti lugan ti INEC ket naidungpar da iti pader ti maysa a balay a rason ti nakatukkulan ti akin-kannigid nga ima ken saka ni Baldugo.
Kabayatanna, nakigtot dagiti agpapaay iti INEC iti pannakapaltog a poon ti nakatayanen ni Arcenio Cajigal, lineman ti nasao a kooperatiba.
Inbatad ni Mr. Noel Andres, information officer iti INEC, awan ti ammo da a karirriri ni Cajigal isut gapuna a nakigtot da no ania ti nangpapatayan da ti nasao a biktima.
