LAOAG CITY – Kinarit ni Mr. Noel Andres Information Officer ti Ilocos Norte Electric Cooperative dagiti mangibagbaga nga adda dagiti nabayadan a linemen ti nasao a kooperatiba tapno alisto a maisubli ti serbisyo ti kuryente da.
Segun ken ni Andres, nawaya dagiti maseknan a mangibaga no siasinno dagiti binayadan tapno makaaramaid da ti aksiyon.
Nupay kasta, kuna na a bayat ti inisyal nga imbestigasyon da ket negatibo ti resulta na.
Rumrumuar a lima a ribo a pisos ken tallo a ribo a pisos ti maipagarup a nausar a pasoksok iti paset ti ili a Pasuquin ken ditoy ciudad ti laoag South of the River.
