LAOAG CITY – Inpasigurado ti Department of Education a maipinal ti listaan dagiti pribado a pagadalan para iti pilot face-to-face classes intono sumaruno a lawas.
Segun kenni Education Assistant Secretary Malcolm Garma, saan pay a naipinal ti listaan dagiti 20 a private elementary school.
Kuna na a nagaplikar dagiti 57 a pribado a pagadalan para ti evaluation.
Inpasingked ni Garma a maamuan ti listaan dagiti 20 a pribado a pagadalan intono Nobyembre 12.
Kabayatanna, nakumpleton ti DepEd ti listaan dagiti 100 a pampubliko a pagadalan a makipagpaset iti pilot face-to-face classes no sadinno a lima ti Senior High Schools.
Naamuan nga umabot ti 638 a pagadalan dagiti napili ken inyendorsar dagiti rehiyon babaen panagevaluate ti Department of Health (DOH) Epidemiology Bureau.
Umabot laeng ti 329 a pagadalan ti nakapasa iti umuna nga assessment agingga a nagbati iti 100 a pagadalan.
Maiyuswat ti pilot face-to-face classes intono Nobyembre 15.
Dagitoy dagiti pagadalan ditoy probinsya a pakaiwayatan ti Limited Face-to-Face Classes
Alao-ao Elementary School
Padaggan Elementary School
Bicbica Elementary School
Buanga Elementary School
Godogod Elementary School
Dumalneg Elementary School
Dumalneg National High School
San Isidro Elementary School
Cacafean Elementary School
