LAOAG CITY – Mapalubusanen a maiserrek ditoy ciudad ti Laoag dagiti live hogs manipod iti nagduduma nga ili.
Daytoy ti inbatad ni Miss Cydel Antonio, ti OIC iti slaighter house ditoy ciudad ti Laoag.
Inlawlawag ni Antonio a karaman kadagiti ili a mapalubusan a paggapoan dagiti live hogs ket iti ili ti Vintar, Paoay ken Piddig.
Inbaga na a ti ili ti Vintar ket nagtalinaed a red zone ngem mapili laeng dagiti barangay a paggapoan dagiti live hogs idinto a ti ili ti Piddig ken Paoay ket agpada nga adda iti pink zone.
Innayon na a ti rason no apay nga ipalubos dan a maiserrek ditoy ciudad dagiti live hogs manipod kadagiti nasao nga ili ket gapu ta adda dagiti agrekreklamo nga awanen ti magatang da a live hogs ditoy ciudad ti Laoag.
