LAOAG CITY – Nangipeksa ti karirikna ni Liza Diño mainaig iti insidente a napukawan daytoy ti nabalor a relo ken laptop manipud iti checked luggage-na kalpasan ti flight manipud idiay San Francisco nga agturong iti Manila.
Iti rakurakna, nariparna laengen a perdi ti maletana nga arig indikasion a naiwa ti natadem a banag.
Inadmitir ni Diño nga inkabilna dagiti gadget daytoy iti maletana gapu ta napnon ti backpack-na gapu iti dadduma a tugotna a laptop.
Dinakamatna a saanda a masinunuo a no ti insidente ket napasamak ditoy Pilipinas wenno idiay Estados Unidos.
Kunana a manarimaan ti pannakikoordinar kadakuada ti Philippine Airlines ken nangidiaya ti airline a bayadanda dagiti mapukpukaw a nabalor a kagamitanna ngem saan a karaman ti laptop.
