LAOAG CITY – Naipasa ti maysa a resolusyon para iti pannakaipaay ti pammalubos ti local chief executive ditoy ciudad ti Laoag a makipinnirma iti Memorandum of Agreement iti Mariano Marcos State University.
Segun iti chairman ti Committee on Education, ti nasao a katulagan ket para iti non-disclosure confidential and smart and sustainable community project a mangprotehir kadagiti impormasyon a nakaipalaon iti confidential database ti lokal a gobierno.
Kunana a ti nasao nga inobasyon ket pondoan ti Department of Science and Technology ken ipaayan ti tech support ti Mariano Marcos State University.
Innayon na a nakailanad iti paglintegan iti pagilian a paset ti trabaho dagiti opisyal ti mangitandudo ti data privacy tapno maliklikan ti misinformation wenno disinformation.
