LAOAG CITY – Naiyalud-od ti lockdown iti Laoag City Public Market and Commercial Complex.
Daytoy ket babaen iti pinirmaan ni Mayor Michael Marcos Keon ditoy siudad nga executive order no. MMK – 077 series of 2020.
Basar iti nakailanad iti EO, masapol nga agtalinaed pay laeng ti lockdown iti merkado publiko para iti contact tracing ken maliklikan ti panagwaras ti virus.
Kabayatanna, saan met pay a masinunuo nu inton ano ti pannakaikkat ti lockdown iti nadakamat a merkado publiko.
Maipalagip nga immunan a naipan iti lockdown ti nasao a lugar kalpasan a nagpositibo iti covid-19 dagiti sumagmamano nga agpapaay ditoy.
Mainaig iti daytoy, napalubusan nga agoperar dagiti talipapa iti nagduduma a barangay kas temporaryo a paggatangan ti kasapulan iti inaldaw.
