LAOAG CITY – Nakikaysa ti city government of Laoag iti World Aids Day.
Daytoy ti inpakaamo ni Dr. Rodrigo Catcatan, ti mangidadaulo ti City Health Office.
Inbatad na a ti HIV/AIDS ti maysa kadagiti kangrunaan a problema iti salun-at a sagsagabaen dagiti Pilipino.
Kunana a basar iti datos ti Dept. of Health ket agtultuloy nga umad-ado ti kaso iti nagduduma a rehiyon ken agtultuloy a bumababa ti tawen dagiti biktima no sadinno kaadoan kadagiti agpospositibo ket agtawen ti 15 agingga iti 34.
Kabayatan iti nasao nga aktibidad ket naipalagip kadagiti opisiales ken empleado iti city government dagiti wagas a mabalin nga aramiden iti pananglaban ti HIV.
Inlawlawag na nga ada pay ti seminar kadagiti GRO’s ti red district ditoy ciudad, pakairamanan dagiti student leaders ken dadduma pay a grupo a nangilawlawaganda dagiti wagas a pananglapped ti HIV/AIDS.
Innayon na nga ada pay ti libre a medical check-up a naipaay kadagiti GRO’s ken poster making contest kadagiti estudiante mainaig ti pananglaban ti HIV/AIDS.
Malaksid iti prevention ken ada pay ti panangilawlawag kadagiti partisipantes ti awareness a dagiti postibo ti nasao a sakit ket rumbeng saan nga adaywan ken rumbeng a tulongan ken itrato a normal nga indibidual.
Maipalagip nga immununan nga inbatad ni Mayor James Bryan Alcid a basar iti panakisarsarita na iti Provincial Helth Office ket ditoy ciudad ti kaadoan nga pakairekrecokdan ti postibo ti HIV ditoy Ilocos Norte.
