LAOAG CITY – Maysa nga agtawen ti 81 a lola idiay Boston, Massachusetts ti nakagun-od ti world record gapu iti panagbalin kas kataengan a driver ti tren.
Kinumpirmaran ti records keeping organization a Guinness World Records a ni Helen Antenucci ti baro a record holder ti titulo a “World’s Oldest Train Operator.”
Nangrugi a nagbalin a train operator ni Helen idi isuna ket agtawen ti 53 idi 1995 iti Massachusetts Bay Transportation Authority. Sipod idin, nagbalin a full time driver daytoyen ti Blue Line trains agpapan iti daytoy a gundaway.
Awan ti ammo ni Helen iti naawatna a world record gapu ta maysa kadagiti katrabahoanna ti nag-apply iti Guinness. Naammoanna laengen ti nasao a pammadayaw idi awatennan ti certificate.
Iti mapaspasangasanganna nga 82nd birthday, awan pay ti plano nga agretiro ni Helen ken kalikagumna pay laeng nga agmaneho kadagiti tren ken mangitulod kadagiti commuters iti Boston.
