LAOAG CITY – Mapasaran ita nga aldaw ti “summer solstice.”
Daytoy ket mangipasimudaag ti kaatiddugan nga aldaw ken kababaan a rabii iti tawen 2024.
Basar iti Astronomical Diary ti Department of Science and Technology, direkta a ngumato ti init iti declination a 23.5° iti amianan ken nakaposision iti Constellation Cancer.
Para kadagiti eksperto, daytoy a positioning signals ket mangipakpakita ti summer iti northern hemisphere ken winter met iti southern hemisphere.
Maibagbaga a ti actual duration ti daylight ket nagduduma iti tunggal pagilian iti intero a lubong.
Kabayatanna, dagus met nga inlawlawag ti Department of Science and Technology nga awan ti kinapudnona nga adda ti dakkel a weather phenomenon nga itunda ti summer solstice.
