LAOAG CITY – Pormalen a naipaima iti Ilocos Norte Police Provincial Office (INPPO) ti lote a nakaipasdekan ti Municipal Police Station iti ili ti Pinili.
Daytoy ket kalpasan ti balligi a pannakaiyuswat ti panagpinnirma iti deed of donation babaen iti lokal a gobierno iti nasao nga ili ken ti Ilocos Norte Police Provincial Office.
Segun ken ni P/Capt. Kester Arellano, Hepe ti Philippine National Police iti ili ti Pinili, nabayagen a gagem ti Philippine National Police a maipaima dagiti lote a nakaipatakderan dagiti police station.
Inbatadna a babaen iti daytoy ket mailatangan ti pundo dagiti maseknan a lokal a gobierno para iti pannakaipatakder ti pasdek ti police station.
Kunana a ti naiyuswat a programa ket inimatangan mismo ni Mayor Rommel Labasan iti ili ti Pinili ken ni P/Col. Frederick Obar, Provincial Director ti Ilocos Norte Police Provincial Office pakairamanan dagiti kameng ti Sangguniang Bayan.
Kabayatanna, maragsakan ti Ilocos Norte Police Provincial Office gapu ta agarup amin a lote ti police station ditoy probinsia ket naipaiman iti Philippine National Police.
