LAOAG CITY – Kalikagum ti Land Transportation Franchising and Regulatory Board a naiget nga ipatungpal ti pammilin ni Presidente Ferdinand Marcos Jr. a mangipaay ti ayuda.
Segun ken ni Mr. Cristal Sibayan, Regional Director iti nasao nga ahensia iti rehion uno, daytoy ket gapu iti agtultuloy a mapaspasaran a krisis gapu iti panagngato ti presio dagiti produkto a petrolyo.
Inbatadna a naiget a surutenda ti pammilin nga awan pay laeng ti maipatungpal a fare increase.
Kunana a nupay adda dagiti lungalong a fare hike ngem ad-adalenda pay laeng daytoy ken saan pay a masinunuo no agingga inton ano ti panagngudo ti gubat iti Middle East.
Kabayatanna, kuna ni Sibayan a saan pay laeng a makaipaay ti komento mainaig iti 10 a pisos a kalikagum dagiti grupo dagiti Public Utility Vehicles a fare hike gapu ta adda dagiti nangatngato a level iti ahensia nga agad-adal iti daytoy.
