LAOAG CITY – Rugianen ti Land Transportation Franchising and Regulatory Board ti naiget a panangtiliw kadagiti pampasahero a jeepney a saan a naka-consolidate iti babaen ti Public Utility Vehicle Modernization Program.
Daytoy ket kalpasan nga ibilangen ti Land Transportation Franchising and Regulatory Board a kolorum dagiti nasao a jeepney kalpasan a napaayda a maka-consolidate iti deadline idi Abril 30.
Igiddan ti Land Transportation Franchising and Regulatory Board ti panangtiliw iti naiwayat a tallo nga aldaw a tigil pasada dagiti pampasahero a lugan mangrugi inton Hunio 10 agingga 12.
Inbatad met ni Land Transportation Franchising and Regulatory Board Chairperson Teofilo Guadiz nga agkitada iti kalsada ken nasken a siguradoenda nga addaanda ti prankisa.
Kabayatanna, basar iti datos ti Land Transportation Franchising and Regulatory Board iti National Capital Region ket addaan ti 30,561 iti 49,593 ti naka-consolidate ken iti intero a pagilian ket addaan ti sumurok 81 a porsiento dagiti pampasahero a lugan ti pabor iti Public Utility Vehicle Modernization Program.
